歌手林一峰到電台宣傳新碟及演唱會，講到他很久沒出來，他笑言自己以內向學生的態度來做音樂。講到演唱會，他表示3月21及22日在麥花臣開騷：「有期有興趣就做，依家對嘅事情、對嘅人，都要對嘅時間先成事，對晒位嘅個機率係愈嚟愈少，所以好珍惜。」但講到現時社會狀祝，問到可擔心演唱會取消？他坦言：「冇得擔心咁多先，諗唔到咁遠，因為近排婆婆入咗醫院個幾月，係啲老人家病要處理，所以費神。」 問到心情可有影響工作？一臉擔心的他表示：「屋企人嘅健康唔多唔少會影響，所以探到就探，希望佢快啲出院先。」他又透露個唱主題是講其成長故事，笑言自己是「九龍之子」。而新碟就會開騷時一起出，他苦笑：「依家錄音又要抽時間探病，如果出碟delay請大家見諒，最緊要出咗院先，碟出唔出到都ok。」
No products in the cart.