【成軍10周年】糖兄妹參加微電影比賽 化特技妝扮外星人

糖兄妹早前參與第7屆微電影「創+作」支援計劃（音樂篇）比賽，演出比賽作品《星際流浪曲》，首次為外星人角色嘗試特技化妝。導演邀請了曾為荷李活電影《攻殼機動隊》作特技化妝的化妝師Gary Chan，為糖兄妹化這個特技妝。

雖然2人為此定格坐足大半天，但糖妹依樣興致勃勃，她說：「好興奮呀！平時睇得多科幻片、外星電影，都覺得啲特技化妝好勁，今次仲可以同著名特技化妝師Gary合作，俾佢化外星人妝，真係好難得嘅經驗。」糖兄除飾演外星人角色外，今次更為此微電影參與了配樂部分，他說：「平時做電影配樂就做得多，今次為自己參與嘅微電影做配樂，感覺特別強。」

今年是糖兄妹成軍10周年，為此推出的10周年紀念作品《只此一家》，找來了周國賢操刀作曲，楊熙填詞，內容是以第三者的故事寄寓自己的信念，也是此微電影想要帶出的主題。

糖兄妹慶祝今年成軍10周年推出紀念作品。