殿堂級歌手葉麗儀（Frances）以特別嘉賓身份，聯同一眾資深播音員金剛（周朝杰）、朱雪梅、陳慕賢等，為慶祝長壽廣播劇50周年獻「聲」。Frances興奮地分享聲演的趣事，又指為圓阿仔願望，與廣播劇中的播音員合照「認樣」：「全家喺澳洲都係廣播劇嘅擁躉，有喺互聯網聽，成日聽聲好少見到樣。」
金剛話：「就好似我哋成日聽葉麗儀把聲，但好少見樣，幾驚佢要我唱歌，點知真係要我唱！」Frances笑言由金剛帶領一齊唱《上海灘》：「但佢就唱泰文版，我哋唱粵語版。啱啱先知佢哋做咗50年，呢個廣播劇好深入民心，有好多外國華僑都鍾意聽呢個節目先知道香港嘅事。」
埋怨香港演唱會場地難搵
Frances表示曾經參演過一次廣播劇：「都30幾年前，係關演唱會事，雖然係做歌手，但個故事係作嘅，唔同今日嗰個真係做番自己。」問有機會可會想再參與？她點頭話都想。而經常於廣播劇內對伙記破口大罵的金剛笑說：「今日應該要畀多啲對白我鬧葉麗儀。（點解要鬧？想鬧佢唱得好聽？）係我特色嚟，唔鬧人唔安落。」二人又搞笑話要用丹田「鬥大聲」，Frances打趣話：「細細個已經好高大，坐班房後面，一講嘢老師就聽到。」
提到8月首次假旺角麥花臣場館舉行兩場的個唱，Frances表示再同音樂人倫永亮合作好有信心，是發燒友經典歌曲演唱會。問會否考慮加場？她坦言未知：「喺香港開演唱會好難搵期（場地），艱難到不得了，依家都要通宵搭台。」
https://hk.on.cc/hk/bkn/cnt/entertainment/20180621/bkn-20180621134720158-0621_00862_001.html
No products in the cart.