資深歌手葉麗儀、葉振棠及香港中樂團藝術總監兼終身指揮閻惠昌到柴灣，為明年2月15至16日假文化中心舉行的音樂會拍攝海報。葉麗儀指她與葉振棠的歌曲很適合中樂團，直言對這次合作恨了很久、充滿期盼。提到於情人節及農曆年期間開騷，她表示準備了幾首情歌：「有我嘅金曲，亦都有葉振棠嘅拿手好戲，仲有賀年歌，希望觀眾一齊唱。（可以𢭃利是？）咁大年紀唔好意思！我哋派啦！不過如果係肥媽就會落去𢭃，同佢一齊唱、我哋會大豐收。」
有指葉振棠早前完成澳門騷後入院，他不願透露詳情，只表示現在沒問題：「澳門嗰三場演唱會Chur得好盡，抖咗幾日，依家排練都冇問題。」葉麗儀透露已完成揀歌，部分會重新編曲，2月頭開始排練，而聖誕期間她會回澳洲陪小朋友放暑假：「我唔會錯過呢個機會，澳洲係夏天，游水、踩單車，好多活動，農曆新年先返嚟。」談到兩人上次一起在香港開騷已是1984年，葉麗儀大表興奮：「我哋係好拍擋、好朋友，兩個都與世無爭，把聲又好夾，同佢合作好順利。」
No products in the cart.