港台第二台《#音樂說》──「說故事」

#糖兄妹 2010年出道，第一首派台歌就係國語歌《我最愛糖》，起初仲有唔少樂迷以為佢哋係台灣組合～出道十年，中間有近五年二人分開發展，直至前年「糖兄妹」先合體重回大家眼前～

2019年，糖兄妹以《離心力》重回樂壇，無論歌曲風格定係二人都更為成熟，糖兄_峰︰「寫呢首歌時，我內心好囂張咁認為要幫阿妹（糖妹）轉型。呢首只係畀佢唱，希望點都可以帶畀人成熟咗嘅感覺，覺得佢成長咗，咁佢就可以去下一個階段。因為糖兄妹總唔會永遠都咁『糖』咁sweet，可能會正經啲、cool啲、大個啲。」糖妹 Kandy坦言當年經常問老闆幾時先可以推出呢首歌，直至兩三年時間過去，感覺自己更成熟亦係合適時機，終於可以推出歌曲，佢認為呢首歌係佢哋近年最重要、富意義嘅歌曲。 足本專訪內容留意今明兩晚（3月25日、26日）12am，香港電台第二台 RTHK Radio 2《音樂說》～