周國賢和吳浩康早前現身校園拍攝ViuTV新劇《REBOOT》，周國賢覺得現今的學生很幸福：「因為有冷氣，細個讀書時，每逢夏天小息玩完都成身濕晒，課室得一把吊扇，但嗰時已經覺得好幸福啦，但𠵱家間間課室都有冷氣，就覺得更幸福。」他又自爆曾暗戀老師：「讀書時好純真，冇拍拖，但有暗戀Miss。小學二年班時，有次聖經堂舉辦小劇場，Miss指派我做耶穌，我突然覺得佢有光環，我諗初戀就係咁樣第一次發生。」
吳浩康於拍攝期間，不幸地收到家人離世的消息，但仍然專業地為拍攝趕工，他說：「多謝劇組協助，慶幸喺呢個劇組度過。心情會影響狀態，但都需要去做好件事，都要自己專注拍攝上。」
撰文：陳甫
No products in the cart.