衝出香港　糖妹夥阿Lam林德信登全球網上騷

糖妹與阿Lam、林德信一齊為《彩色世界音樂會》獻歌。

殿堂級歌手林子祥（阿Lam）以香港代表身份演出於9月9日在全球網上播出的《彩色世界音樂會》，今次由美國主辦的網上騷，誠邀中美日韓全球各地具有代表性的歌手，還有古典及搖滾界音樂大師作馬拉松式演出，而糖妹有幸得到阿Lam邀請擔任嘉賓，她說：「我終於有機會衝出亞洲，邁向國際，全世界都睇到我。」

糖妹受訪時說：「我同前輩阿Lam，仲有Lam個仔Alex（林德信），揀咗首英文版嘅《三人行》一齊合唱，首歌我練習咗好耐，因為想追得住前輩嘅節奏。」問可曾和阿Lam合作過？她說：「見真人，同咁近距離都係第一次，其實我未同Alex合作過，所以一次過有兩位猛男喺身邊，真係好幸福。其實我細個時，成日聽阿爸啲CD，好鍾意唱前輩嘅《真的漢子》。」她又說想請阿Lam出席其糖兄妹十周年演唱會，如夢想成真定要親自下廚炮製美食報答前輩。