【造福業界】林一峰疫情下出碟 務求台前幕後有工開

林一峰今日到商台接受訪問並宣傳新碟《Born in Kowloon》，提到今次隨碟附送兩樣紀念品，首先是小時候搓的泥膠相片再製作成書籤他說：「要多謝媽咪，好犀利咁唔知邊度搵返出嚟，仲保存得好好，我自己都唔記得咗細個有整過。」另外再附送一件雞蛋仔型的石頭香薰。

一峰直言大家生活艱難希望製作唱片，讓台前幕後朋友都有工開，令他們能有收入。提到開演唱會，他表示正入紙申請，希望明年春天有空檔。講到妹妹林二汶早前在香港電影金像獎中奪獎，一峰表示已經親自下廚為她慶祝，又笑言：「希望阿妹賺多啲錢，多啲工作，快啲養埋我，我等咗廿年啦。」

採訪：曹家誠
攝影：陳慧安、馮嘉銘