歌手林一峰錄影ViuTV音樂節目《Chill Club》，有指瘦了不少，他坦言因有打緬甸拳：「為3月嘅演唱會特登學打緬甸拳，學咗3個月，用嚟強身健體同練氣，因為疫情關係取消咗演唱會，都好可惜，但創作同表演長期都可以做。（演唱會延期到幾時？）7月，但冇場，所以要延到出年，不過新碟5月頭會喇，做好晒。」問疫情下出碟可擔心影響銷量？他表示：「冇得擔心咁多，做音樂唔好諗咁多，如果你值得嘅話銷量話畀你聽可以做落去。」
問可會多做宣傳？他笑言：「我平時都好少做，反而想打多啲拳，打上癮。（依家場館關閉冇得練？）依家打唔到，惟有喺屋企郁下，喺屋企仲可以做多啲創作同煮嘢食。」他謂近來食素收身。
問可會叫妹妹林二汶一起打拳減肥？他笑言：「冇喎，佢好錫身、健康，但佢唔係好郁，我煮嘢畀佢都唔食，因為佢嫌太齋，佢唔好同我一齊打拳，唔好拖累我，佢會自己打坐嘅，佢好健康嘅，肥瘦唔緊要。」
No products in the cart.