「哈比人」糖妹黃美棋鄺潔楹齊齊晒腿

三位「哈比人」糖妹、黃美棋及鄺潔楹（Judy）早前拍攝無綫新節目《香港美食一條街》，三個四出找尋香港各式各樣美食，齊齊化身成「美女食神」。三個喺鏡頭前後都咁老友，不時影靚相，呢日糖妹喺網上分享一張三人合照，見佢哋各自擺出一個好似拉筋嘅甫士，晒出白滑美腿，糖妹同Judy就大擺一個cool爆表情，但美棋就好似唔貫徹佢哋個風格，笑得非常開心，糖妹仲話：「鄺潔楹自拍教學2:佢話外國Girls潮流興咁樣影相，儘管又試下（吓），睇番先發覺黃美棋掛住傻笑。節目還剩5集拍攝，我驚你地（哋）兩個唔捨得我呀，所以影下(吓)相留多啲回憶啦！」