摸周國賢手仔嫌唔浪漫 林明禎:覺得濕答答

馬來西亞女神林明禎與周國賢於新片《一秒拳王》內首次合作,二人戲內「有所發展」。今日一眾演員云集荔枝角出席開鏡拜神,二人齊齊受訪時,明禎大爆周國賢接受「演技大挑戰」,事關後者於戲內扮演一名「廢中」,後來奮發圖強變帥哥:「他胖得胸部比我還要大!」

周國賢表示變胖要接受「特技化妝」:「嗰件特效衫着咗真係好熱,兩日就出熱痱,嚟緊仲有好多日要着!我嘅角色係大叔,得閒去公園搵阿伯捉棋。」明禎笑說:「有天接觸他的手,一點也不浪漫,反而覺得濕答答的。」 而明禎則於戲內扮演大笑瑜伽師傅:「我幫人釋放安多芬。這類別的瑜伽是由印度引入的,事前我認真研究,看片學習,亦有跑去上課。(今次來港逗留多久?)分兩段時間拍攝,9月初回去,9月中再來繼續拍攝。」

周國賢則直言林明禎給他的印象是「不愛說話」:「點知合作左之後發覺佢其實好開朗,我又睇咗佢套《救殭清道夫》。(係你嘅女神?)唔好亂講嘢呀,唔係唔係呀?」

Close

Cart (0)

Cart is empty No products in the cart.