【毒煙吹到去廣州?】鄭中基宣佈演唱會延期 向歌迷致歉:好失望

鄭中基(Ronald)突然在Facebook宣佈,收到主辦方通知,原定4日後舉行的廣州演唱會,因天氣及技術問題需要延期舉行,不過事件引起不少網民留言,將近期發生的政治風波掛勾。

Ronald坦言對演唱會延期感到失望,他寫道:「為咗今次廣州演唱會,我同製作團隊都準備咗好耐,所以當主辦方(娛人製造)通知我,因為考慮到天氣以及技術問題而需要將演唱會延期,我其實係好失望。我哋依家盡力同主辦方配合,希望主辦方可以盡快通知各位延期時間。具體有關延期事宜、退票及票務問題,大家可直接同主辦方聯絡。造成大家不便真係非常抱歉,要同各位買咗飛嚟嘅觀眾,仲有各個受影響嘅單位講聲唔好意思,我哋會盡快處理好。感謝你哋支持。」

Fans也紛紛留言表示失望,但亦有網民問是否和「逆權運動」有關?留言道:「你肯定未通過政審,快啲做護旗手,馬上如期舉行…..」、「假如你得,叫埋老痰,廢B,爛春,即如期舉行」、「提早4日通知天氣有異樣,係好合理!」「天氣問題?應該係催淚彈吹咗返廣州啦!」

至於是否如主辦方所指與天氣有關?大陸天氣預報,廣州未來數天都有雷雨,而17日(周六)有中至大雨,然而之前楊千嬅在杭州開騷,雖然受到超強颱風「利奇馬」影響,但亦如常舉行。

Close

Cart (0)

Cart is empty No products in the cart.