林一峰學彈「中阮」:好似麵包超人!

歌手林一峰作客TVB娛樂新聞台節目《StarTalk》,接受主播許文軒(Edmond)專訪,大談即將與香港中樂團合作開音樂會感受。一峰說:「其實四年前同香港中樂團合作時已經想學一種中樂表演,但當時因為唔夠時間所以冇實行,今次我就揀咗『中阮』去學,佢個樣好好笑,好似麵包超人!揀『中阮』係因為佢同結他較似,但一彈就發現啲線好硬,比結他嘅硬度硬四倍,本身我隻手嘅千年繭都頂唔住,搞到好痛苦。」

一峰表示今次音樂會以「旅遊」為主題,講到一峰四海為家時,他說:「每年只得四個月留喺香港,2017年開始我愛上咗一個中美州小國叫伯利茲,因為可以策騎,而且生活費唔高,港幣200蚊可以夠一星期食,而且嗰達地方畀咗我好多創作嘅空間,《蝴蝶谷》就係喺當地創作。」

Close

Cart (0)

Cart is empty No products in the cart.