增磅10公斤！周國賢操肌做拳手洗底

歌手周國賢到中環海濱出席戶外演出，身穿外套的他唱到頂唔順太熱要除褸，穿白色背心的他明顯大隻不少，原來他最近為電影練打泰拳，更增磅10公斤操肌：「角色係拳手，仲有一半要增，即係要增多10公斤，我覺得人一世物一世，第一個最Man嘅決定係小學時決定夾Band，第二個最Man嘅決定就係今次，我想洗底，之前都係畀人官仔骨骨、書生嘅感覺，想Man番次。」

他又謂現時要不停食嘢：「去到最脹之後就慢慢減。（套戲幾時拍？）個半月後開鏡。（會唔會大壓力要趕住有成果？）開頭唔覺，佢哋叫我任食嘢，但其實真係有啲人難肥啲，我會肥，但只肥喺下巴同肚腩位。」他坦言打拳過程辛苦，到時戲入面亦會與高手過招：「導演ToNick嘅恆仔（趙善恆）話我可以得到一個黑手拳手，我話唔好啦。（驚唔驚到時要捱打？）預咗嘅，但從中都學到好多嘢。」