周國賢每月入紙紅館

周國賢前晚在旺角麥花臣場館舉行「仲間」演唱會時,不多說話,專注演繹多首新舊作品包括《14天》、《目黑》、《極樂》等,到尾段才多謝觀眾及樂隊成員。騷後周國賢受訪時,坦言今次對演出要求很高,壓力很大:「因為有好多新歌,後半段仲有好多搖滾,自己已經唔係十八廿二,所以開騷前呢兩、三個星期都跑步練氣。」又稱今次演出他最感動是找回很多朋友一同上台合作,包括以前樂隊Zarahn成員。 周國賢希望可在紅館開騷,獲現場歌迷報以掌聲支持。

問到是否很渴望在紅館開四面台,周國賢笑說:「我個個月都入紙,但入咗七、八年都未得,可能喺紅館開騷要睇你個人準備好未,有啲人入行幾年就開紅館騷,如果個天覺得我未準備好,就行住慢線先,相信終有一天會開到。」

Close

Cart (0)

Cart is empty No products in the cart.