【冇唔見錢】周國賢搵番銀包勁開心!

https://hk.on.cc/hk/bkn/cnt/entertainment/20181213/bkn-20181213140103027-1213_00862_001.html

歌手周國賢(Endy)早前生日時跌咗銀包,仲喺社交網發文希望有人執到可以畀番佢。皇天不負有心人,呢日Endy真係搵得番個銀包,而最令佢感動嘅係入面所有財物、證件等等全部都原封不動,令佢大讚「香港真係有好人」!

Endy喺社交網甫出銀包相,仲留言多謝幫佢執番銀包嘅好心人:「認真,頭先去杏花邨失物部認領番個銀包嘅時候,心裏面已經有最壞打算…『攞唔攞得返(番)個銀包已經唔緊要,就算冇晒錢,有返(番)啲證件我已經好感恩…就算冇晒證件,有返(番)晒小朋友嘅相我已經極度感恩…點知…原封不動!』黐線!原來香港真係仲有好多好人!非常感謝幫我執番銀包嗰位有心人!仲有所有幫我散播訊息每一位熱心嘅朋友們!我覺得今年生日過得好有意義!」

Close

Cart (0)

Cart is empty No products in the cart.